Funcionarios e persoal laboral serán traspasados a La Voz de Galicia e Faro de Vigo respectivamente ante o aumento de traballo por mor das eleccións galegas.

O parlamento galego acaba de dar luz verde ao ingreso de todos os fondos previstos para 2016 a medios de comunicación afíns ao Partido Popular.

Xornais como LaRegión, Faro de Vigo, Tempos Galegos, El Progreso, El Correo Gallego ou La Voz de Galicia serán os beneficiarios deste montante sen precentes no que o presidente da Xunta parece estar a preparar o terreo para presentarse de novo ás eleccións en gañalas.

Como xa se viu nas anteriores eleccións galegas, o poder dos medios de comunicación tradicionais, é quen de establecer o calendario político así como encamiñar o debate de propostas en función dos intereses dos seus donos, deste xeito Nuñez Feijóo ata en corto á prensa galega con máis tirada, co que pretende crear un clima favorábel aos intereses do PP de Galicia.

Por se fora pouco, Feijóo traspasaráa a funcionarios e persoal laboral da Xunta  ás redaccións do Faro de Vigo e La Voz de Galicia para “axudar en labores comunicativas”, segundo afirma un comunicado do goberno.

Desde a oposición califican o acontecido de insólito e ditatorial, e tentarán aunar esforzos económicos para mercar entre todos unha vietnamita que faga a competencia ao goberno, pero discrepancias entre PSdeG eBNG sobre a súa custodia, fixeron polo de agora imposible o acordo.