Cientistas das FAES afirmaron onte que a afiliación de Luis Bárcenas ao PP foi unha ilusión colectiva á semellanza do fenómeno das observacións de Ovnis durante os anos 60, 70 e 80

Que Bárcenas fora tesoureiro do PP son imaxinacións nosas

Os voceiros da FAES explicaron que Bárcenas nunca foi tesoureiro do Partido Popular, xamais entregou sobresoldos a altos dirixentes do partido e nin sequera chegou a militar do PP.

Non sabemos nin quen é ese señor e indicaron que ‘sectores de la izquierda apoyados por masones comunistas inventaron algún tipo de aparato para hipnotizar a la población para que la sociedad crea que Bárcenas trabajaba para el PP’.

Bárcenas levanta a antena coa que se emitiu a hipnose colectiva

María Dolores de Cospedal xa deixou entrever esta nova teoría desenvolta polas FAES ao desvincular totalmente a contabilidade B do Partido Popular cos papeis de Bárcenas a pesar de que este foi o seu tesoureiro durante moitos anos.

Ante as preguntas da prensa á Secretaria xeral do PP sobre a nova teoría respondeu ‘Bárcenas, ¿qué Bárcenas?’.