O colectivo popular anti-represivo Ceivar vén de emitir un comunicado no cal, rexeita formalmente a sentenza inculpatoria do expresidente da Deputación de Ourense

O colectivo de apoio aos presos galegos pronunciabase así ante a sentenza en firme que na pasada semana culpaba a Xosé Luís Baltar polas contratacións indiscriminadas de 104 persoas, enchufadas na Deputación de Ourense para así poder dar un relevo con garantías ao seu fillo Xosé Manuel Baltar, tanto ao fronte da institución provincial como do propio PP ourensán.

Ceivar considera que esta sentenza é “arbitraria e de parte” rexéndose en ditames e parámetros políticos máis que obxectivos xudicialmente, e inculpando ao cacique bo, por un feito que se repite en “centos de lugares polo país adiante”.

Nos próximos días organizarán diferentes actos e concentracións as portas dos xulgados, nas cales defenderán a liberadade de todos os presos políticos e que nesta ocasión serán baixo o lema “Xosé Luís Baltar, preso político, aurrera, aurrera!”.

Titular suxerido por @iago_87_ neste chío