A directiva de LARSA decidiu esta madrugada en xunta extraordinaria o que para moitos gandeiros é unha aberración. Os directivos comunicaron aos gandeiros esta mañá a decisión de dar licor café no canto de auga ás vacas. Isto xerou as primeiras protestas.
Tempos Galegos recolleu as declaracións de varios gandeiros que estaban protestando diante da sede da compañía: “O carallo, como se vicien ao licor café… a ver que bebo eu?! Outros alegaban: E despois pedirán que as levemos xogar a partida ao bar, e lo!”
Pola súa banda, a directiva queixouse de que a eles non lle enviaran pizzas. “Somos menos nós que o PSOE?”, dixo indignado despois de pasar gran parte da noite reunido e sen comer. Con respecto a decisión tomada expuxeron que o primo físico de Rajoy, despois de tomar uns cantos iogures, respaldaba a teoría de que aceleraría a producción do coñecido iogur de licor café.
O máximo directivo de Larsa declarou que isto non vai quedar aquí. Se o experimento sae ben farán o mesmo coa crema de oruxo e o licor de toxo. Incluso é posible que abran un after en Santa Comba onde cada gandeiro leve as súas vacas de troula despois de tomar o licor café e responder sen posibilidade a mentir a pregunta ‘E ti cantas vacas tes?’
O iogourt da estrella de galicia seria o nova mais. Jajaja
Dálles chapapote e xa temos cafe con leite…