Os militantes da organización frontista poderán escoller entre dúas teses políticas: unha pleistocénica e outra paleolítica.

Membros da UPG negociando con En Marea

Agárdase que a militancia se decante polo texto paleolítico xa que é moito máis moderno e, cando menos, xa existían humanos nese período.

Bautista Álvarez xa anunciou que se decantará polo pleistoceno e defenderá abrir a organización aos trilobites galegos.

‘Que sexan eles quen dirixan a organización. Nin grumetes nin capitán. O futuro está no pasado. Que nos dirixan os trilobites!’, declarou.

Francisco Rodríguez non se quixo pronunciar sobre a súas predileccións e soamente apuntou que ‘as dúas están ben. Naquelas épocas non existía nin En Marea nin Beiras polo que ambas as dúas son boas para o nacionalismo’.