Desde a dirección nacional de CxG afirman despois do sucedido en Ourense que “Isto está chupado”.

Despois da lección de participación e democracia exercida durante o pasado fin de semana na cidade de Ourense, Compromiso por Galicia vén de anunciar que presentará candidatos en todas as primarias das “mareas” que se celebren polo país.

Cartaz da candidatura á alcaldía de Xosé Mosquera en Ourense.

Este sábado e domingo, durante o transcurso das primarias da candidatura cidadá Ourense en Común, CxG fixo unha demostración de músculo político mobilizando a case 500 persoas para que se achegaran a votar ao seu candidato á alcaldía de Ourense, Xosé Mosquera. Fontes próximas a Ourense en Común incluso chegaban a afirmar que ademais de músculo político, algún tamén se sacou o pene.

Os autocarros e autocares que pasearon a fin de semana pola cidade das burgas chamaban a atención de todo canta persoa reparaba nelas. Mentres que nas vilas de Maceda e Vilar de Santos a xente, a pouca que quedaba, extrañábase de que “non houbera nin un alma polas rúas”.

Desde a dirección nacional de CxG, o seu secretario xeral, Xoán Bascuas, posicionábase claramente a favor de presentar candidatos en todas as candidaturas cidadás que realicen procesos de primarias abertas. Os galeguistas incluso barallarían a realización dun cronograma electoral de primarias, e poñer a total disposición deste unha caravana itinerante para realizar as votacións pertinentes e que se chamará #PrimariasOnTOUR.

Algúns dos buses que CxG porá a disposición do seu #PrimariasOnTOUR

Pola súa banda o presidente da deputación de Ourense, Xosé Manuel Baltar Jr., quixo parabenizar aos galeguistas, e recordou a gran amizade que seu pai, Xosé Luís Baltar, e Xosé Luís Cuíña matiñan, e como seu fillo Rafael Cuíña, agora membro da dirección nacional de CxG, algo tiña que ter aprendido.

En canto aos independentes cidadáns participantes no proceso de Ourense en Común e que se quedaron a 20 votos carretados do gañador, expuxeron en rolda de prensa a súa intención de seguir practicando para mellorar e ter un gran resultado nas próximas municipais do mes de maio.