Comeza a campaña de difamación dos defensores do galego. 

Logo no que se bulan do da Plataforma Queremos Galego

Segundo as nosas fontes, isto é o que vai dicir as Faes a través dos seus voceiros durante os días previos á manifestación convocada pola Plataforma Queremos Galego que terá lugar o domingo día 8 de febreiro en Santiago de Compostela. Ao parecer o think tank do Partido Popular xa deu orde de demonizar a mobilización a prol da lingua galega. Segundo nos contan fontes confidencias moi próximas á fundación conservadora a idea partiu de José María Aznar e segundo parece incluso volveu a resucitar a súa frase ‘algunos perros siguen ladrando su rencor polas esquinas’.

Pola súa banda un voceiro de Galicia Bilingüe  manifestou que ‘el bilingüismo es mucho mejor si es monolingüe en español’. O xornalista preguntoulle a continuación se esa frase ‘no es un oxímoron?’ ante o cal o voceiro de Galicia Bilingüe estoupou en ira berrando que non lle falara en galego que tiña dereito a que se dirixira a el en español. ‘Ogímoron que es un ogímoron. Estos luisistas ya no saben lo que inventar’, momento no cal se deu a volta e marchou pese aos intentos do reporteiro por explicarlle a situación.