Máis de douscentos veganos acaban de apostatar do veganismo

O suceso ocorreu o domingo pasado na cidade de Vigo onde unha familia estaba facendo unha churrascada e o cheirume provocou a excitación da pituitaria dos veganos que romperon os seus apios, tiraron os tofus e fumaron as súas rúculas ante os atónitos ollos dos presentes.

A súa conversión foi tan voraz que acabaron en segundos coa churrascada catalizadora e acudiron ao zoo de Vigo armados con antorchas para saciar a fame de carne no día festivo.

Entre gritos de “Carnelao! Carnelao” chegaron ao zoo de Vigo onde Marita Rodríguez, que ía acompañando o seu neto, afirma que atacaron aos ornitorrincos ao grito de “esos ao espeto están moi ricos” e que incluso tivo que taparlle os ollos ao neno cando un grupo de exveganos gritaban “que non se escape ese bebé foca”.

As autoridades conseguiron reducilos e agora están sometidos a un proceso de normalización carnívora no Restaurante Gerardo en Celeiros, Chandrexa de Queixa. O persoal médico que os atende é optimista coa súa evolución.