O gordo caeu nesta administración de lotería na coruñesa Avenida de Gran Canaria

Segundo contan testemuñas do suceso Augusto César Lendoiro sufriu un traspés ao pasar por diante desta Administración de Loterías esta mañá. As informacións aínda son confusas e segundo a testemuña a que se lle pregunte van dende un lixeiro tropezón que non chegou case a ser caída ata un ‘afuciñou ao estilo borbón’.

Non consta atestado nin da policía nin de urxencias e polo que parece a posible caída careceu de importancia. Este medio tratou de poñerse en contacto con el e a súa familia pero sen éxito, iremos informando ao longo do día se temos novas informacións.

Sorteo da lotería de Nadal

Pola súa banda o sorteo da lotería terá lugar hoxe en Madrid e non se descarta que Carlos Fabra poida pillar un bo pellizco aínda que os funcionarios da prisión de Aranjuez aseguran manter afastado do expresidente da Deputación de Catellón 09ao preso que lle andaba a facer as beiras.