Cultura

Presentan a I Festa da Empanada de Velutina en Deiro


A Xunta presenta un plan contra a velutina en Deiro.

Ata o de agora a Xunta descartara tomar medidas contra a velutina, incluíndoa na lista de especies arraigadas e de interese ecolóxico xunto co arcorito e o penacho da Pampa; sen embargo, o pasado xoves o ente autonómico dou un xiro copernicano, presentando un plan que busca a súa eliminación a curto prazo. As innovadoras medidas consisten en incentivar o seu consumo en empanada. Así, en S. Miguel de Deiro, no concello de Vilanova de Arousa, celebrarase este domingo a 1ª Festa da Empanada de Velutina. Case medio cento de reposteiras e reposteiros, tanto profesionais da hostalería coma aficionados á arte culinaria, mediranse nun concurso no que presentarán a un esixente xurado as súas mellores creacións. “Os do xurado son madrileños e temos que desirlle que as empanadas son de camaróns, se non, non chas comen, que son moi delicados eles”, declaraba Hermosinda, unha das organizadoras. “Pero despois encántalles, e mentres comen non mandan tanto os rapases cos trueles á rebeira, que teñen a ría esquilmada. E para as vesiñas de Deiro é cuestión de vida ou morte, ou comemos as velutinas ou nos comen elas a nos, así que o benefisio é pa todos”.

As previsións nesta primeira edición son despachar unhas 40.000 racións de empanada do simpático insecto. O alcalde, Gonzalo Durán, ensalzaba así as cualidades do produto local: “A ver atontados, aquí tenemos la mejor avispa siática, o vespertina, como también se la conoce, aunque muchos imbéciles no se lo crean. Invito a todo el mundo a conocer esta delicia de nuestra tierra. Gilipollas”.

Corresponsal en Arousa: Siso Oubi – Facebook: https://www.facebook.com/siso.gc

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

This site uses Akismet to reduce spam. Learn how your comment data is processed.