Descobren auga líquida en Marte e a un galego bañándose nela dicindo: “Está boísima, metédevos”

Foi o pasado día da Nación Galega cando un grupo de científicos italianos anunciaron o achado dun lago subterráneo de auga salgada baixo unha capa de xeo no polo sur do planeta vermello.

A maior das sorpresas chegou cando observaron que, nun pequeno anaco da superficie onde non había xeo, un galego se estaba a bañar no lago. Tiña cara de estar aterecido, aínda así, convidounos a entrar, dixo un dos científicos italianos en perfecto galego tras estar de Erasmus en Santiago de Compostela.

Cando lle preguntaron ao galego que facía en Marte e como chegará alí, este xa ilustre galego respondeulles: “Despois dunha noite de excesivo licor café, quería volver á casa e acabei aquí. Pasoume coma ao meu antepasado Pedro Madruga, máis coñecido como Cristovo Colón. Ía para un lado e acabei noutro”.

Pouco despois de facerse pública a noticia, Zapato Veloz notificou que estaba a preparar unha versión de Hay un gallego en la luna, actualizada aos novos tempos.

Antes de cortar a comunicación, o galego pediu, se é posible, que lle enviasen unas botellas de LK para tratar de volver e un polbo por se non o lograba.

Artigo enviado por Noel Alive: Facebook, Twitter