O presentador de cuarto milenio desprazarase ao noso país para tratar de desvelar o misterio que envolve os votos ao Partido Popular xa que todo o mundo nega telos votado pero conseguen maiorías absolutas.

Á señora Lorinda aparecéronselle unhas siluetas de Feijoo na cociña ao estilo das caras de Bélmez. O fenómeno aconteceu nas Pereiras, un pobo de Quintela de Leirado e segundo parece as caras dixéronlle que tiña que votar a Feijoo. “Era una silueta de Feijoo circunscrito en el mapa de Galicia, como no le iba a hacer caso”, indicou unha das testemuña presenciais. Pola súa banda, investigadores do programa desvinculan que a familia do alcalde teña todos os negocios do pobo e a máis de media familia colocada na Mancomunicade de Celanova como causa do voto masivo na comarca.

Pola súa banda, un veciño de Loureiro unha pequena poboación do concello coruñés de Mazaricos, indicou que o sábado de reflexión foi abducido por uns extraterrestres. “Os moi lambóns metéronme unha sonda polo cú e, cando remataron, xa só tiña gañas de votar polo Feijoo”, declarou.

Estes e outros fenómenos estraños centrarán un programa especial que emitirá Cuatro e no que Iker Jiménez se desplazará a Galiza para analizar os fenómenos paranormais que fan que as galegas e galegos voten maioritariamente ao Partido Popular.