Actualidade

Calatrava restaurará a Ponte do Bibei


O famoso arquitecto visitará Galiza nos vindeiros días para examinar o proxecto in situ.

ponte bibei calatrava

Infografía da obra de Calatrava na Ponte do Bibei

Nestes días o Congreso dos deputados vén de aprobar a declaración da Vía Nova como Patrimonio da Humanidade, conseguíndose o apoio preciso para iniciar os trámites da petición á UNESCO.

Entendendo que acadar a declaración de Patrimonio da Humanidade garantiría aínda máis a súa protección, os concellos dos arredores (San Xoán de Río, Manzaneda, etc) consideran a medida como moi positiva, sendo o máis eficiente o concello de A Pobra de Trives, onde xa se comezaron cos preparativos para a restauración e posta en valor un dos seus monumentos máis senlleiros: a ponte romana do Bibei, que data do século II, e que aínda soporta tráfico.

Así, tras solicitar o asesoramento pertinente, tanto de diversas administracións públicas como privadas, desde o equipo de goberno local valórase a posibilidade dee ncargar a súa restauración ao famoso arquitecto Santiago Calatrava para sustituír e complementar a actual estrutura básica da ponte, con outro tipo de materiais, que sexan versátiles e sostibles coa contorna.

Tralos primeiros estudos, Calatrava valoraría como opción máis acaída, polas súas múltiples calidades positivas: transmite a luz sen distorsións, é resistente aos axentes químicos así como a fortes impactos, é flexible, etc.

Deste xeito, Santiago Calatrava planea cubrir o arco central da ponte cun inmenso panel de metacrilato, deixando libre a parte inferior do río para que flúa auga no seu cauce natural. Segundo Calatrava, a obra, a pesar de restar algo de aerodinámica á ponte, impedirá o paso a especies invasoras como o salmón de monte ou a ra aviadora.

O alcalde da Pobra de Trives manifesta así sentirse moi orgulloso da declaración, polo que afecta ao seu concello, e afirma que fará todo o que estea nas súas mans para que a ponte sexa un atractivo turístico de excepción no concello, aínda que pase por gastarse miles de millóns no proxecto do famoso arquitecto.

 

 

 

 

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s