A home permanece no hospital Juan Canalejo de A Coruña con pronóstico reservado.
Jasper, cantante do grupo Nao, dedícando unha canción.
Un varón de mediana idade, segundo informan fontes do hospital Juan Canalejo, de A Coruña, segue hopitalizado en estado grave tras escoitar en youtube unha canción do grupo galego Nao.
Polo que trascende, a canción de Nao, unha versión do poema de Ramón Cabanillas “Acción Galega” tería sido reproducida de xeito aleatorio despois dunha búsqueda de cancións galegas por parte da vítima. A canción, que versa sobre a loita agraria arredor dos anos 1910, tería producido un colapso mental derivado en ictus ao escoitar a letra reivindicativa da mesma.
Todo apunta a que a vítima descoñecía que, alén disto, un dos colaboradores da canción non é outro que Mini, o alcalde de Boimorto, do BNG e candidato ao Senado pola formación frontista dentro de Iniciativa pola Unión. Esta información que xa manexa a familia, podería ser utilizada nas instancias xudiciais para interpoñer unha denuncia por terrorismo á candidatura galega.
Desde o grupo Nao, prefiren non facer declaracións ao respecto, e remitense a letra da canción.
¡Irmáns! ¡Irmáns galegos!
¡Desde Ortegal ó Miño
a folla do fouciño
fagamos rebrilar!
Que vexa a Vila podre,
coveira da canalla,
a Aldea que traballa
disposta pra loitar.
Antes de ser escravos,
¡irmáns, irmáns galegos!
que corra a sangre a regos
dende a montaña ó mar.
¡Ergámonos sen medo!
¡Que o lume da toxeira
envolva na fogueira
o pazo señorial!
Xa o fato de caciques
ladróns e herexes fuxe
ó redentor empuxe
da alma rexional
Antes de ser escravos,
¡irmáns, irmáns galegos!
que corra a sangre a regos
dende a montaña ó val.
Tempos Galegos 