O lídero do PSOE volve a trabucarse publicamente despois de votar a favor da reforma do aborto presentada polo Partido Popular.

Non está a ser unha boa semana para Pedro Sánchez, se onte remataba o día trabucándose na votación do Congreso sobre a reforma do aborto presentada polo PP e na que o líder dos socialistas votaba a favor dela, hoxe unha nova metedura de pata pon ao descuberto a habilidade de Sánchez para cometer gambadas.

Nun acto de partido no distrito de Arganzuela, e acompañado do candidato a alcalde polo Concello de Madrid, Antonio Miguel Carmona, Sánchez afirmaba ser de esquerda, o que fixo sentirse algunhas gargalladas desde o público.

Persoas presentes no acto afirman que incluso se tería atrevido a falar de republicanismo e dos valores da II República, iso si desde unha postura claramente Felipista, “que ao igual que seu pai é moi campechano”.

O colofón do mitin de precampaña tería sido Carmona lanzándose a cantar o himno de Riego, aínda que segundo as persoas alí presentes, un tanto desafinado e/ou mamado.

Pedro Sánchez dándose conta dunha das súas múltiples cagadas.