Tamén escribiu a lista da compra e sospéitase que o levou ao supermercado

As sorpresas non cesan no caso do Códice Calixtino. A última, que puidemos coñecer hoxe, trátase de que o ladrón pintou un carallo sobre unha das ilustracións do Códice Calixtino. Os peritos xudiciais desvelaron a profanación do libro mediante debuxos feitos a man cun ‘bolígrafo bic’ se ven non desvelaron se se trataba da variante ‘laranxa’ ou ‘cristal’.

A continuación tamén desvelaron que na folla contigua ao caralludo debuxo estaba anotada unha lista da compra co que se sospeita que a persoa que roubou o códice levouno ao supermercado e o utilizou de bloc de notas para non esquecerse do que debía comprar.

Os custos de reparación do libro son incalculables e aínda non se sabe se os restauradores poderán facer desaparecer a tinta ao 100% pero Feijoo xa se ofreceu a ‘poñer os cartos que fagan falta’ para recuperar a obra. ‘Nós a Igrexa dámoslle de todo. Reconstruímos templos, pagamos curas para o Sergas, damoslle cartos a colexios do Opus. Tampouco haberá tanto problema por uns poucos cartiños máis’, declarou.

Imaxe das páxinas do Códice Calixtino que foron profanadas