O Castro de Vigo foi o lugar escollido polo Concello para construír estatua conmemorativa do alcalde Abel Caballero.

Deseño da futura estatua de Abel Caballero no Castro de Vigo.

O alcalde Abel Caballero anunciou onte que a cidade terá unha nova estatua que sustituirá a cruz franquista que se situaba no barrio vigués.

A aprobación da escultura levouna  a cabo onte nunha Xunta Local de Goberno extraordinaria. Segundo os expedientes presentado, “o investimento que se realizará alcanza os 718.000 euros e o prazo para a construción será de sete meses”, sinalou. As intencións do Concello é que estea dispoñible canto antes e o alcalde matizou que lles gustaría que se abrise ao público dentro dun ano pero deixou aberta a posibilidade de que aínda se demore uns meses máis. “É pura vangarda arquitectónica, é o que queremos que siga sendo Vigo”, mantivo mostrando imaxes do deseño.

A localización da figura será no Castro, no mesmo lugar na que se atopaba a cruz franquista que durante anos se lle pediu derrubase. Parece ser que así, dunha vez por todas, se cumple a petición viguesa que durante as últimas décadas era reclamada, mesmo con recollidas de sinaturas e manifestacións.

“Queremos que sexa no Castro porque era unha dédeba con eles, despois de anos de loita”, indicou. Caballero asegurou que a estatua terá unha forma similar a estatua de Lincoln nos EUA.

O alcalde non deixou pasar a oportunidade para enviar unha mensaxe a PP e BNG tras unha semana na que se intensificou a polémica sobre ordenanzas e orzamentos. “Non imos parar de construír en Vigo, imos continuar, nos orzamentos do próximo ano haberá diñeiro para a construción de estatuas e rotondas en Vigo”, avanzou. Ademais, fixo mención doutros puntos que tamén foi motivo de enfrontamento co resto de grupos municipais. “Por certo, tamén para aceras, que a oposición se encargou de críticalas. E por certo, tamén para arboliños nas rúas. En suma, o orzamento do ano que vén será moi bo”, resolveu Caballero.