Seguindo a escalada provocada polo recoñecemento de Jerusalem como capital de Israel, o presidente estadounidense recoñece Madrid como capital de México.

A noticia colleu por sorpresa aos partidos políticos inmersos na campaña catalana. Así, o Partido Popular anunciou que xa que Madrid foi arrebatada polos Estados Unidos, Cataluña pasa a ser “la única España”. Pola súa banda, os partidos independentistas amosaron a división nun primeiro momento. Mentres que o PdeCat refixo os seus cartaces electorais para poñer “México ens roba”, ERC e as CUP apoveitaron para dirixirse á comunidade internacional dicindo que “Catalunya non debe formar parte de México”. Dende En Comú-Podem amosáronse satisfeitos “México es ya una república federal. Cataluña será un nuevo estado de México y entablaremos conversaciones con Venezuela para hacer una confederación Panamericana”.

O Ministerio de Asuntos Exteriores tamén foi collido por sorpresa polo anuncio de Trump. Despois de trasladar de urxencia a súa sede á illa de Perejil ven de anunciar que España non recoñece a El Salvador como país soberano e pasará a tratalo como parte de Honduras.

O propio Donald Trump amosouse satisfeito pola polémica e anunciou nun chío que vai seguir a mudar as fronteiras. “Borderlines are us”, chiou xunto co gif dun gato facendo karate. O departamento de exteriores avanzou que a partir de mañá Italia fará parte de Nova Zelandia xa que ao presidente non lle gusta que os países con forma de bota estean desparellados.