Asinarán un acordo similar ao de Podemos que asegura a inclusión dos seus usuarios nas primarias de En Marea sen identificación.

A coordinadora provisional de En Marea ven de asinar un novo acordo con ForoCoches para que os seus usuarios poidan votar nas primarias de En Marea. Deste xeito o listado de rexistrados na súa web sumarase ao censo do que dispón En Marea e poderán votar xunto cos inscritos da nova formación política e non se pedirá ningunha documentación que acredite a súa identidade á imaxe e semellanza do acordo acadado con Podemos.

Agárdase que nas próximas horas se poidan asinar acordos similares con Tuenti, Tinder e cos críticos de Yahoo Answers de xeito que todos os seus usuarios poidan participar nas primarias.

Preguntada a coordinadora de En Marea sobre os riscos de non pedir identificación aos seus votantes responderon que “No queremos crear fronteras. Nos da igual que las personas sean de Sanjenjo, Portugalete o Burkina Faso. ¡Identificarse es casta!”