O futbolista portugués interésase pola língua galega e o polo reintegracionismo.

Cristiano Ronaldo e AGAL vinculados na defensa do reitegracionismo.

Todo apunta a que os discretos resultados que está a obter o seu clube, o Real Madrid, levan ao astro luso a buscar novas vías de escape e de futuro, desta volta e segundo infoman desde a dirección da propia AGAL, o futbolista pasaría a formar parte da Associaçom Galega da Língua(AGAL) buscando así afianzar unha visión intelectualoide de si mesmo.

O interese de Cristiano polo reintegracionismo parece ser que procedería dunha visita ao estadio de Balaídos, onde afeccionados do Celta de Vigo terían mostrado faixas reintegratas que chamarían a atención de Ronaldo. Ao preguntar polas faixas portuguesas de Balaídos, Cristiano coñecería o reintegracionismo e este preguntaría pola súa importancia dentro de España e de Galiza.

Deste xeito Cristiano Ronaldo chegaría a contactar con Miguel Rodrigues Penas durante o ano 2014, quen a través dunha presentación en Prezi, tería convencido ao xogador de vincularse coa asociación.

Barállase que para o ano 2016 Ronaldo poida participar nalgunha campaña ou anuncio publicitario de AGAL, así como impartir algún seminario ou curso na Universidade de Santiago.