O videoxogo deportivo incluirá os comentarios futbolísticos do presidente en detrimento do ate agora habitual Manolo Lama.

Portada do videoxogo cos comentarios de Mariano Rajoy

Segundo confirman desde a multinacional EA Sports, os comentarios de Mariano Rajoy poderán ser escollidos como narracións dos partidos que se disputen no xogo multiplataforma a partires do próximo mes de xaneiro.

Polo avanzado na mañá de hoxe, entre as frases que poderemos escoitar ao actual presidente estarían “Está claro que la mejor defensa es una buena defensa” ou “un delantero es un delantero y un vaso es un vaso”. Mención especial terían os partidos disputados no ámbito europeo, nos que Rajoy deixaría perlas sobre a imposibilidade de que Catalunya xogue, e pregúntandose “pero, ¿y en Europa?” ao tentar seleccionar equipos cataláns contra seleccións do vello continente.

Especúlase coa posibilidade de engadir frases do propio fillo de Rajoy matizando “os comentarios de Manolo Lama son una mierda” na pantalla de elección de comentaristas.