O queixo do famoso presentador do Luar podería emitir sons imperceptíbeis ao oído humano.

Un estudo norteamericano, publicado na revista Science, pon de manifesto a posibilidade de que o presentador galego poda estarse a poñer en contacto con outras civilizacións e incluso cos animais.

A teoría elaborada no MIT por científicos teóricos aseguran que a colocación do micrófono por parte de Gayoso non é para nada casual, e responde a unha depurada técnica que permite así ao seu queixo amplificar estes infrasóns a través dos medios de comunicación. Ditos infrasóns, non perceptíbeis para o oído humano, si poderían ser escoitado por algunhas razas de cans, que segundo apuntan desde a universidade tecnolóxica norteamericana, ladran durante toda a duración do programa Luar.

Pola súa banda, Xosé Ramón Gayoso declinou facer declaracións ao respecto, mentres que a súa barbela podería estar emitindo sinais de socorro ante o desvelo desta información.