Sucesos

Beiras baixa do Monte Pindo coas táboas da lei da unidade da esquerda


beiras taboas da lei

Beiras coas táboas da lei

O líder de Anova, Xosé Manuel Beiras, atopábase de retiro espiritual no Monte Pindo escribindo o discurso para o próximo 25 de xullo. Un discurso que foi gravado en pedra, polos dous lados, e que pola súa importancia foi titulado como ‘Lei da Unidade da Esquerda’.

beiras taboas da lei 2

Beiras rifándolles aos líderes da esquerda

Segundo afirman fontes presenciais cando baixou do monte atopou os galegos adorando unha cachena de ouro. Ao lado da mesma, os líderes da esquerda discutían por un dos costelares da vaca dourada. O cabreo que lle entrou a Beiras foi tan soberano que, a pesar da traballeira que levara, partiu as táboas labradas en granito gris mondariz na cabeza dos líderes das tribus momento no que o líder tribal Pablo Iglesias aproveitou para lanzar a proposta de Podemos-Calquera Cousa. Pero a Xosé Manuel Beiras non lle pasaba o cabreo e colleu a cachena de ouro e arroxouna ao lume e esnaquizouna nun acto que foi criticado duramente por ‘Galicia, mellor sen touradas’ por facer proxinitismo do maltrato animal.

beiras xuntando as mareas

Beiras xuntando as mareas

Testemuñas presenciais indicaron que a continuación pronunciou un descurso de dúas horas aos alí presentes e arengounos para iniciar o éxodo cara a liberdade.  Cando rematou achegouse ao mar e xuntou as augas que estaban divididas en varias mareas. Debido á forte maruxía provocada naufragou o iate dun narcotraficante e resultou ferido un político de dereitas que ía cando el. Segundo fontes do Sergas o estado do político non reviste gravidade ao tratarse soamente duns moratóns nas costas que se puideron tratar botándolle un pouco de ‘cremita’.

 

Advertisements

4 thoughts on “Beiras baixa do Monte Pindo coas táboas da lei da unidade da esquerda

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s