A diócese de Santiago de Compostela está substituíndo, en secreto, un dos campanarios da catedral por un hotel de luxo

Infografía do novo hotel que substituirá un dos campanarios da catedral de Santiago

Segundo transcendeu no día de onte a diócese está a construír un hotel de luxo nunha das torres da catedral para dar hospedaxe de luxo a peregrinos e famosos.

Aproveitando que o campanario estaba cuberto para realizar unhas supostas obras de rehabilitación a diócese compostelá comezou a substituír as centenarias pedras polo aceiro e o cristal que conformarán o novo hotel de cinco estrelas que ocupará o seu lugar.

O novo hotel contará con suites de superluxo de varios centos de metros cadrados con jacuzzi, piscina e capilla propia con un minibotafumeiro robotizado.

Milagre

Pola súa banda a Diócese e a Conferencia Episcopal atribuíron a un “milagro” a conversión da torre nun hotel. “Tiene que ser obra divina. Un milagro. Nosotros no sabíamos nada. Hasta ayer estaba la torre aí y, hoy, tenemos un hotel a medio construír”

Críticas

Asociacións culturais da cidade xa manifestaron as súas críticas ao proxecto mentres que o alcalde da capital de Galicia e a voceira do PPdeG xa amosaron o seu apoio ao proxecto. Pola súa banda, expertos e profesores do grado en feísmo da Escola Técnica Superior  de Arquitectura da Coruña criticaron a pouca utilización de uralita e bloque de cemento.

Obras do hotel vistas desde a praza do Obradoiro

As obras vistas desde detrás da fachada principal