Os axustes económicos en materia de emprego chegan tamén a nosa redacción.

A partires da próxima semana, comezaran a traballar en Tempos Galegos, procedentes da Illa de Tambo, o novo equipo de redactores, cos cales buscaremos darlle un toque de calidade as nosas novas.

Macacos aclimatándose aos seus novos postos de traballo.

Despois dunha complicada busca e rebusca de perfís idóneos para o noso xornal, por fin temos aos candidatos perfectos, un equipo de monos amestrados que subcontrataremos en réxime de media xornada para que aporten unha nova visión e frescura da actualidade do noso país.

Dentro da selección de aspirantes primates para o noso proxecto barallamos nomes de diarios de prestixio como ABC ou LaRazón, incluso chegando a contactar co equipo de comunicación do Partido Popular de Galiza, pero foi o ERE de Intereconomía e o peche do xornal La Gaceta quen finalmente nos proveerá da man de obra que precisamos.

E recordade:

“O noso progreso é coma un faro, como unha voz nesta rexión que se chama Galiza, hoxe”.