A sorpresa acaba de saltar en Xudea xa que, contra todo prognóstico, o Frente Popular de Xudea e o Frente Xudaico Popular concurrirán xuntos as eleccións xudeas.

O que xa se coñece como a Syriza xudía vai comezar unha andadura non exenta de trabas. Deste xeito a Unión do Povo Xudeu, formación integrada no Frente Popular cualificou de romanistas aos seus aínda compañeiros e anuncian manifestos e propostas nas asembleas. Pola outra banda, desde o Frente Judaico Popular producíronse purgas na asemblea de Canaán.

Os líderes de Compromiso por Xudea cualifican de electoralista esta proposta e anuncian que se presentarán en solitaria aproveitando a fichaxe do Partido Popular de Xudea, fillo dun antigo ministro. O líder da formación indicou que non están de acordo co asemblearismo da FPX e do FXP e que, ademais, eles defínense como xudaístas e non como nacionalistas xudeus.

Pola súa banda, Causa Xudía, mira con vós ollos o nacemento da formación e saúda o nacemento dunha formación de liberación nacional que os libere do colonialismo de Roma.

Nos-Unidade Xudaica, aínda non se pronunciou.

Noutra orden de cousas a milicia romana detivo dous integrantes de Resistencia Xudaica polo lanzamento de pedras contra a Casa Consistorial de Xerusalén, localidade na que o alcalde facía ostentación de ter pinturas de Nerón colgadas nos muros do seu despacho e que tocaba marchas imperiais nas trompas romanas.