‘Como esto va por el voto que te dan los vecinos así España tendría más posibilidades’, indican fontes de próximas ao goberno.

O asunto de Catalunya pode dar un xiro radical nos próximos meses e, contra todo prognóstico, o que pode facer que todo mude sería un concurso televisivo de cancións.

Segundo trascendeu no día de onte todo o que está a acontecer con de Catalunya podería mudar a raíz de Eurovisión. O equipo de goberno de Mariano Rajoy estaría tratando de conseguir un éxito na presente lexistatura e este podería pasar por gañar Eurovisión. Isto obrigaría a replantexar toda a estratexia do goberno e ir a unha consulta pactada para propiciar que se independizara e así conseguir os 12 puntos eurovisivos que tería o país catalán.

Se isto non chegara irían dándolle a independencia a outros como Euskadi ou Galiza para asegurar máis apoios. O plan é tan ambicioso que se plantexa incluso a independencia de Murcia e de Móstoles se fose necesario.

Fontes do PP non ven moi claro este escenario pola posición histórica do partido pero ante a irrupción de Ciudadanos que lle está a comer as papas por ese flanco xa non descartan a operación. Houbo algunha voz que incluso adiantou que con esta proposta tería aprobado antes os orzamentos do estado.

En calquera caso dende o partido conservador non queren precipitarse en tomar unha decisión e agardarán a ver o resultado da edición deste ano para decantarse o descartar a idea.