Na súa construcción faleceron  polo de agora 10 Lobetos.

A reparación da cuberta de Balaídos esgazada pola cicloxénese explosiva da semana pasada segue camiño da súa completa substitución. A uralita, que o vento fixo saltar polos aires, está a ser remprazada por un equipo especializado de X-Men, enviados desde Carral polo profesor Xabier.

A nova superficia será reconstruída en Adamantium, para non disgustar ao Real Madrid, no caso dun novo temporal, xa que, como se apreciou trala cancelación do partido deste domingo no estadio vigués, o clube branco non leva ben os cambios de plans, a pesar de que neste momento se atopa en menos competicións deportivas que o propio Celta de Vigo.

As obras, que nos últimos días e baixo as presións do Real Madrid, se están a realizar contan ademais de cos X-Men coa inestimábel axuda do alcalde de Vigo, Abel Caballero, quen grazas ao seu carisma, é quen de colocar as placas de Adamantium a unha velocidade récord.

No momento de redacción deste artigo xa son 10 os Lobetos falecidos a consecuencia de accidentes laborais acontecidos durante as reparacións no estadio celeste.