A banda británica pechou onte o Resurrection Fest de Viveiro botándolle unha peza de Ana Kiro para regocixo dos milleiros de fans presentes.

O Resurrection Fest de Viveiro pechou onte as súas portas tras tres días de desenfreo metaleiro. Milleiros de persoas acudiron a Viveiro para achegarse a un dos festivais de metal máis importantes do estado español e polo que xa teñen pasado moitas das bandas máis importantes do mundo. Na edición deste ano, a organización quíxolle facer un regalo os seus fan e, deste xeito, puideron contar cunha das bandas máis veteranas do mundo do heavy: Iron Maiden.

A sorpresa saltou o último día e na última canción cando a banda británica arrancou cunha versión da canción de Ana Kiro “Pídechas o corpo” que fixo as delicias dos milleiros de persoas alí congregadas.

O feito tivo moita transcendencia na vila de Viveiro onde moitos dos seus habitantes de maior idade non vían con bos ollos o festival. “Isto enchíase de peludos todos os anos… mais despois de ver que lles gusta Ana Kiro miramos o festival de outra forma”, declarou un veciño. “Agardemos que para o ano que ben traian a Pimpinella. Iso si que sería heavy”, engadiu otro veciño.