Ximena González, militante do BNG, contaría co apoio de gran parte da asemblea de Ourense en Común

Ximena González nunha imaxe de arquivo.

Despois do sucedido na pasada fin de semana durante as primarias de Ourense en Común, na cal a carretaxe foi o actor predominante, as persoas sen afiliación política veñen de presentar ante a asemblea de Ourense en Común unha candidata que prentenden xere o consenso necesario para que o proxecto cidadanista continúe o seu camiño.

Ximena González, a día de hoxe concelleira na cidade de Ourense polo Bloque Nacionalista Galego, non continuará a próxima lexislatura na candidatura do BNG polo que desde un primeiro momento se especulou co seu nome para formar parte da candidatura popular.

A edil nacionalista, moi ligada ao ámbito feminista galego, tería participado nas primeiras reunións da iniciativa Ourense en Común, o cal lle tería costado, a priori, a súa saída pola parte de atrás das listas do BNG.

A non aceptación dos candidatos de CxG, por parte da asemblea de Ourense en Común, podería ter sido o catalizador desta decisión que pretende deixar contentos a tódalas partes, en especial independentes e Compromiso por Galicia. Falta por ver a opinión de actores como Anova, para os cales Ximena ten sido o seu azote constante nas redes sociais desde que nacían aló polo 2012.