O politólogo español e portavoz de Podemos explicaba esta mañá ante os medios congregados ás portas dos estudos de Cuatro, do grupo Mediaset, que Podemos foi quen acabou coa vida de Emilio Botín.

Monedero escenifica como lle petou o corazón a Botín.

Despois de que nos últimos días Podemos se atribuíse a abdicación do Ex-Rei Juan Carlos, e a dimisión do líder do PSOE, Alfredo Pérez Rubalcaba, Monedero afirma que o seu partido foi quen de lograr un cambio na España sistémica.

Preguntado por como Podemos foi quen de acabar coa vida de Botín, Monedero afirma que os continuos disgustos e sobresaltos que a tese política de Podemos ofrece xunto coas súas propostas económicas fixeron que o corazón do presidente do Santander non aguantase máis e finalmente acabase colapsando en forma de infarto.

Podemos baralla nestes momentos acabar coa vida doutras persoas como Mariano Rajoy, Wert ou Arias Cañete. “Aínda que o aspecto azulado de Cañete indique que xa pouco lle quede”.