A “casta” futboleira fracasa no Brasil. “Podemos cogernos a La Roja” berraban os chilenos antes do partido”

Tras a eliminación da equipa española do mundial de futebol españois e españolistas en xeral piden eleccións anticipadas polo fracaso de La Roja. Outros máis radicais, coma o BNG ou los Chicos del Maíz, esixen que selección española se disolva e entregue as botas.

Pola súa banda, Pablo Iglesias Turrión manifestou que este fracaso é debido a unha “casta” de futbolistas chupópteros que acaparan todo o protagonismo cando ó longo e largo do estado hai futbolistas moito máis preparados que poderían facer un bo papel.

Certos medios xa están a informar de que Felipe González Márquez e José María Aznar e seus respectivos partidos, PP e PSOE, están a presionar a Del Bosque para que abdique nas próximas horas e nomee ó seu fillo coma novo adestrador. Fontes do goberno español recoñeceron que a situación é moi grave e advirten que rojos, separatistas e bolivarianos en xeral poden aproveitar o baleiro xerado e tomar o poder futbolístico.

O CNI está a estudar unha reunión celebrada por Skype o pasado día 15 de Xuño entre Pablo Iglesias, Xosé Manuel Beiras e Arnaldo Otegui coa deputada chilena Camila Vallejo coma posible fonte da conspiración que deu esta terríbel estocada ó corazón de España.