O semanario nacionalista publicará a súa capa en castelán para intentar obter subvencións por publicar en español

As rotativas galegas consiguen cuantiosas subvencións a través da Secretaría Xeral de Normalización Lingüística, axudas que son reivindicadas por xornais que escriben todo o ano en galego e son excluídos permanentemente destas axudas e do resto das axudas a medios que reparte a Xunta de Galicia.

Deste xeito o semanario intentará que o Instituto Cervantes lle dea subvencións da mesma maneira que as consiguen os resto dos xornais de Galicia desde Normalización Lingüística.

“A Voz de Galicia consegue subvención por usar o idioma e soamente publica a capa en galego o 17 de maio e, por riba, o resto do xornal está en español” comentan desde a dirección do semanario.

Praza Pública e Galicia Confidencial súmanse á iniciativa

Os xornais dixitais Galicia Confidencial e Praza Pública tomarán a mesma iniciativa e tamén solicitarán subvencións por escribir en castelán un día ao ano.

Ademais anuncian que utilizarán un tradutor automático “La Voz de Galicia Style” para que todo o contido poida verse en castelán.