Segundo publica a Fundación FAES habería centos de miles de “rojos y separatistas” que se “empobrecerían a propósito” para deslixitimar as cifras macroeconómicas do Goberno do PP coa intención de romper España.

O informe califica de “polpotista” a Caritas, ONG católica, que a pasada semana publicou un informe que puña en cuestión a recuperación económica no estado español con estatísticas que botaban por terra o panorama debuxado polo ministro Montoro.

“Caritas está infiltrada por comunistas, anarquistas y músicos” avanza a publicación das FAES e chama a bispos, monxas e á Conferencia Episcopal a poñer orde na súa ONG.

“Que somos compañeros, coño!”, declarou un alto cargo do goberno do PP absolutamente contrariado polo informe da organización non gobernamental vinculada á igrexa católica ao que engadiu “Podemos asegurar que la cosa es como la contamos nosotros. La realidad es una comunistallada que inventan los rojos separatistas rompeespañas”.