Varios colectivos da cidade de Cartaxena xa anunciaron o seu interese en depender administrativamente de Nova Murcia

A Asemblea Nacional Catalana, Òmnium Cultural xunto coas entidades que compoñen o Govern vanlle propoñer ao Parlament catalán o cambio de denominación de Catalunya para que pase a ser chamada Nova Murcia.

“En Murcia levan semanas saíndo ás rúas e montando manifestación e a ninguén lle importa o que fagan. Agardamos que con este cambio de denominación poidamos lograr o mesmo”, ven e declarar Carles Puigdemont. Deste xeito o procès entra nunha nova fase onde a semántica semellará será moi importante xa que todo o españolismo fascista deberá mudar as súas consignas de “putos catalanes” a “putos nuevo murcianos” e iso conleva moito tempo. Expertos estimaron que soamente en cambiar as rimas rematadas en -anes a -anos pódelles levar anos a esta xento polo que ese tempo será aproveitado polos socios do govern para avanzar nas posicións independentistas.

Fontes próximas á Falange e ao Partido Popular xa acusaron os efectos “Los catalufos seguirán siendo polacos aunque se hagan murcianos”, declararon. “A por ellos, oé”, engadiron.