Salta a sorpresa despois da primeira enquisa publicada tras o debate electoral onde ningún dos chamados a ser protagonistas gañou o debate e resultou gañadora, contra todo prognóstico, a presentadora Ana Blanco que estaba a moderar o debate.

Máis do 50% das persoas enquisadas dan a presentadora do telexornal de TVE como vencedora do debate a catro que celebrou a Academia de Televisión cos candidatos á presidencia do goberno dos partidos estatais.

Nin Mariano Rajoy, nin Pedro Sánchez pero tampouco Pablo Iglesias ou Albert Rivera foron quen de convencer ao electorado e foi a presentadora a que levou a maior parte dos votos a pesar de non ser sequera parte da enquisa.

En segundo lugar quedou Pedro Piqueras pero a máis de 20 puntos da presentadora galega que a pesar de non presentarse as eleccións xa ironizou sobre o tema. “Quizais para as próximas eleccións funde un partido. Estiven pensado en rexistrar o nome Unidos Presentamos”, declarou.

A enquisa tamén arroxa outros datos interesantes como que os votantes dos partidos pensan que gañaron o debate os seus respectivos líderes coa salvedade dos votantes do PP que saben que Mariano Rajoy non estivo nin preto de gañalo pero lle van votar igual.