O Concello de Vigo desvelou a sorpresa que tiña agochada para a cabalgata de reis de este ano

Os servizos de prensa da Alcaldía do Concello de Vigo anunciaron hoxe o planning do desfile de reis da cidade olívica. A sorpresa que agarda a todos os vigueses é que de Melchor vai facer Abel Caballero; de Gaspar, Abel Caballero e de Baltasar, Abel Caballero.

Ante as preguntas da prensa sobre como se vai desdobrar o alcalde para facer de todos os reis magos foi que os paxes que van repartir caramelos van ser todos Abel Caballero o que provocou o asombro entre os xornalistas asistentes.

O staff do alcalde anunciou que o seu líder supremo rematará a cabalgata camiñando sobre as augas da ría e que soamente lanzará un caramelo, iso si, multiplicarao as veces que faga falta para que todo o mundo teña a súa ración de lambonadas de distintos sabores e a perfección será tal que ninguén terá caramelos de anís. Anunciaron tamén que se se achega algún leproso será curado instantaneamente polo amado líder.

O concello quere, deste xeito, revelar a nenos e adultos que os reis non existen: son Abel Caballero

Na mesma rolda de prensa un xornalista foi lapidado por preguntar que opinaría Carlos Príncipe dos cambios na cabalgata.